ԻՆՔՆԱՃԱՆԱՉՈՂՈՒԹՅՈՒՆ
Առավել տարօրինակը ոչ թե ուրիշների,
այլ սեփական անձի ուռճացումն է, որը բխում է ինքն իրեն ինչպես հարկն է չճանաչելուց,
ուստի և ոչնչությունները իրենց համարում են
մեծություն: Մինչդեռ եթե մարդը , իրոք, սկսի զբաղվել իր ուսումնասիրությամբ, ապա այդ
բոլոր սին պատրանքները հօդս կցնդեն:
Մինչև մարդն ինքն իրեն չճանաչի,
չի ճանաչի ոչինչ: Լոկ իրեն իմանալուց, ճանաչելուց հետո նա կարող է ձեռնամուխ լինել
իմացությանը:
***
ԱՆՀԱՏ ԵՎ ՀԱՍԱՐԱԿՈՒԹՅՈՒՆ
Անհաջող, ձախողակ անձնավորությունը
մեծ վնաս է պատճառում հասարակությանը, նա ազդում է համընդհանուր բարօրության վրա: Ուստի
և ամեն ոք, գիտակցելով իր արածի կարևորությունը, պետք է աշխատի դա կատարել բարեխղճորեն:
***
ԾՈՒԼՈՒԹՅՈՒՆ
Անհրաժեշտ է գտնել ծուլության
պատճառը: Քանի որ սովորաբար ծուլությունն ունի տարիների պատմություն, ուրեմն տարիներ
են հարկավոր իրական պատճառներն իմանալու համար: Կատարած սխալն անհնար է ուղղել, դրան
նպատակաուղղված փորձերն անիմաստ են: Ոչ պակաս անիմաստ են ափսոսանքն ու ներողություն
հայցելը: Մի անգամ կատարած սխալը այլևս չի ուղղվում:
Ա. Նիկողոսյան «Գյուրջիևը
մարդու, հասարակության և պատմության մասին»
Комментариев нет:
Отправить комментарий