Նարէ Աթոյան: Նարէ Աթոյան «Մեր գյուղի կանայք»

Ո՞ւմ է պետք միայնակ մարդը: Կինը պիտի ամուսնանա ու երեխաներ մեծացնի:

Լամար Մանվելյան

----------

Մայր լինելը դա ամեն մի կնոջ առաքելութինն է: Ում է պետք էն ընտանիքը, որտեղ չեն ուզում երեխա ունենալ:

Ռիմա Մելիքջանյան- Միրաքյան

----------

Ինչ կա դրսում, որ մեր էրեխեքն էլ գնան. կմնան էստեղ, մի գործ կգտնվի:

Անահիտ Ղարաջյան

----------

Մի լավ խոսք կա. «Միշտ լավ է այնտեղ, որտեղ մենք չկանք»: Ես դրսում ապրել եմ ու հետո եմ եկել այստեղ ու չեմ պատրաստվում այստեղից որևէ մեկ այլ երկիր տեղափոխվել: Սա է մեր հայրենիքը: Ես իմ երեխաներին էլ եմ այսպես դաստիարակել, քանի որ գտնում եմ, որ հայը պետք է ապրի իր հայրենիքում:

Մարետա Հովհաննիսյան

----------

Գնացել եմ, բայց վերադարձել եմ… Չկարողացա մնալ: Կարոտում էի նույնիսկ այն հարևաններիս, ում հետ երբևէ շփում չի եղել… Հայաստանից դուրս ապրելու մասին էլ չեմ մտածում:

Արևհատ Մելիքջանյան

----------

Տատիկ լինելը լրիվ ուրիշ է, մի օր որ չեմ զանգում, թոռիս ձայնը չեմ լսում, էդ օրը ոնց որ իմը չլինի:

Նաիրա (Մեյբատյան) Մելիքջանյան

----------

Ում է պետք մենակ կյանքը… ճիշտ է, էսպես շատ ենք չարչարվում, բայց դե դա էլ բնական է, այպես էլ պետք է լինի:

Նոռա Քոսակյան

----------

Հայրս որ ինձ չթողեց ուսումս շարունակել, ես ուզում եմ գոնե իմ երեխեքս սովորած լինեն:

Տաթև Դիլանյան

----------

Ինչու գնամ, ու՞ր գնամ: Էստեղ է իմ տունը:

Ֆլորա Ջիլավյան

----------

-Օրը ժպիտ է պարգևում երբ…

-Երբ թոռներիցս մեկն ու մեկը բացում է դուռը…

Ֆիլետ (Վիրաբյան) Ջաղինյան

----------

Ընտանիքը սրբություն է, որի կազմելն ու պահելը դժվար է, բայց քանդելը` հեշտ: Դրա համար ասեմ ջահելներին, ինչ էլ լինի, համերաշխ եղեք, որ ձեր ընտանիքը ամուր լինի ու չքանդվի:

Տանյա (Բաղդասարյան) Հայրյան

----------

Երկրաշարժից հետո կար նման հնարավորություն, բայց մենք սիրում ենք մեր հողն ու ջուրը, և միշտ պատրաստ ենք եղել հաղթահարել բոլոր դժվարութուններն ու մնալ մեր հայրենիքում: Հայրենի հողը միշտ էլ քաղցր է, սա գիտենք մենք, գիտեն մեր երեխաներն ու թոռները, և նրանցից ոչ մեկը չի մտածում հայրենիքը լքելու մասին: