ֆոտոշարք, որը ներկայացնում է 2013-ի ԳՐԵԹԵՐԹԻ ամենամյա մրցանակաբաշխության սկիզբը, ընթացքը և ավարտը...

Ուրբաթ օրը` դեկտեմբերի 20-ին ՀԱՅ ԳԻՐՔ  գրախանութում ժամը 17- ն անց սկսվեց միանգամից տաքանալ… Մեկը մյուսի հետևից եկան ու գրախանութը գրական շնչով լցրեցին երիտասարդ ստեղծագործողները` Գրիգ Գրիգը, Լուսինե Եղյանը, Նորայր Սարգսյանը, Մերի Մկրտչյանը և այլոք: 

Նրանց համար պահը սպասված էր` Գրեթերթի ամանամյա մրցանակաբաշխությունն էր կայանալու, և հենց իրենք` երիտասարդ գրողները պետք է քվեարկությամբ որոշեին թե ում գործն է համարվում 
ՏԱՐՎԱ ԼԱՎԱԳՈՒՅՆ ԲԱՆԱՍՏԵՂԾՈՒԹՅՈՒՆ, 

ով է տարվա ԼԱՎԱԳՈՒՅՆ ԳՐԱՔՆՆԱԴԱՏՈՒԹՅԱՆ հեղինակը,

ում ներկայացրած ԷՍՍԵՆ և ՀՐԱՊԱՐԱԿԱԽՈՍՈՒԹՅՈՒՆՆ է ԼԱՎԱԳՈՒՅՆԸ,

ում ԹԱՐԳՄԱՆՈՒԹՅՈՒՆՆ Է ԼԱՎԱԳՈՒՅՆԸ, 

և վերջապես ով է հանդիսանում ՏԱՐՎԱ ԼԱՎԱԳՈՒՅՆ ՊԱՏՄՎԱԾՔի հեղինակը:

Մրցանակներն արժեքավոր գրքեր էին, որ տրամադրել էր ԱՆՏԱՐԵՍ հրատարակչությունը, և համոզված եմ, որ միայն այդ գրքերն ունենալու պահանջը բավական էր, որ ամեն մի մասնակից ցանկանար հաղթել տվյալ անվանակարգում:

Սակայն հաղթողը պետք է մեկը լիներ… և այսպիսով

լավագույն բանաստեղծություն անվանակարգում հաղթեց  Լուսինե Եղյանի “Բանաստեղծական շարքը” (Գրեթերթ, թիվ 3)

լավագույն թարգմանություն անվանակարգում՝ Էդուարդ Հարենցի “Հալինա Կրուկ” (Գրեթերթ, թիվ 1)

լավագույն գրաքննադատություն` Աննա Միկոյանի “Մհեր Բեյլերյան. կիրակնօրյա պատմվածքներ”, (Գրեթերթ, թիվ 3)

լավագույն էսսե` Նառա Վարդանյանի “Լեզվական մեկուսացումը նոր ժամանակի մշակույթ” (Գրեթերթ, թիվ 3)

լավագույն պատմվածք` Գրիգի “Երկու սիլուետ”, (Գրեթերթ, թիվ 4)

Ինչ տաքությամբ որ եկան մասնակիցները, կրկնակի տաքացած ու ոգևորված էլ գնացին` նոր խոհերով, նոր մտքերով, նոր բարձունքներ տիրելու մտայնությամբ…

Ահա մի փոքրիկ ֆոտոշարք, որն ավելի պատկերավոր է ներկայացնում 2013-ի ԳՐԵԹԵՐԹԻ ամենամյա մրցանակաբաշխության սկիզբը, ընթացքը և ավարտը…