Վաղու՛ց չեմ շոշափել քո ձայնը,
Չե՛մ ներծծվել երակներիդ մեջ,
Չե՛մ բարևել շուրթերիդ…
Վաղու՛ց չեմ տարածվել բիբերիդ
մեջ`
Ու պարել մերկությամբ…
Ու պարե՛լ երանագույն այն պարըս,
Որն ագահությամբ հոշոտում
է
Կարծրատիպ բոլոր մտքերդ`
Անգույն, միօրինակ ու անջերմ…
Վաղու՛ց…
Երանավառ հայացքիդ մեջ
Չի՛ թափանցել
արևս…
Չի՛ հագեցել
կարոտս…
Չի՛ սիրվել
երգս…
Վաղու՛ց…
Նյարդաթելերդ սարդոստայնապատ
են…
26.10.2011թ.
Комментариев нет:
Отправить комментарий